ЭЕМ БУЫНДАРЫ.
ЭЕМ-ның даму тарихы бірнеше буындарға бөлінді. Бірінші буындағы машиналар (1940-1955 жылдар) бірнеше жүздеген шаршы метр орын алатын және мыңдаған электрондық шамдары бар алып құрылғылар еді. Оларға бағдарламаларды енгізу үшін, перфоленталар мен перфокарталар пайдаланылды.
1955 жылдан бастап, екінші буындағы ЭЕМ-дар пайда бола бастады. Оларда электрондық шамдардың орнына жартылай өткізгіштер – транзисторлар пайдаланылды.
Электрондық өндіріс орындары интегралдық сұлбалар жасай бастады. Интегралдық сұлба – бұл шағын жартылай өткізгіш кристалдар, оларда бірнеше жүздеген, тіпті мыңдаған транзисторлар бар.
Интегралдық сұлба негізіндегі ЭЕМ-дар бұл үшінші буындағы ЭЕМ-дар. ЭЕМ-дар халық шаруашылығында кеңінен қолданыла бастады.
Қазіргі кездегі ЭЕМ-дар – бұл төртінші буындағы ЭЕМ-дар. Олар 70-ші жылдардан бастап өндіріске енді.
Қазіргі кезде көптеген елдерде бесінші буындағы ЭЕМ-ды жасау ісі қолға алынуда. Бұл машиналар кәдімгі тілді , яғни “жасанды интеллект” ЭЕМ-дары болуы керек. Бұл идея толығымен іске асқанда, ЭЕМ-ға кәдімгі сөзбен мәселені түсіндіріп айтасың, ал компьютер өзі бағдарламаны құрып, мәселені (есепті) шешетін болады.